The Corner အတွဲ (၃၄) ကို စီစဥ်နေဆဲ သြဂုတ်လ ၂၇ ရက်နေ့မှာ မိုက်ကရိုဆော့ဖ် သူဋ္ဌေးကြီး ဘီဂိတ်စ်က Gatesnotes ကနေ ကမ္ဘာ့ပြည်သူများထံသို့ အေအိုင်နဲ့ ပတ်သက်သည့် စာတစ်စောင် သတိပေး ရေးသားလိုက်ပါတယ်။ အဆိုပါ စာစုကို “The turbulent AI era is here. The choices we make now are critical” လို့ အမည်ပေး ထားပါတယ်။ အေအိုင်နဲ့ ရှောင်ရှားလို့မရနိုင်တော့တဲ့ ဒီခေတ်မှာ လူတွေကို အေအိုင်ဆိုးကျိုးထက် ကောင်းကျိုးများကို ပိုမို ရအောင် တိုက်တွန်း ထားပါတယ်။ တိုက်တိုက်ဆိုင်ဆိုင်ပါပဲ ယခုထွက် အတွဲ (၃၄) မှာလည်း အေအိုင်ကို အကျိုးရှိရှိ အသုံးချနိုင်ဖို့ လူတိုင်းမြင်သာနိုင်တဲ့ နမူနာတစ်ခုပေးကာ သုံးသပ် တင်ပြထားပါတယ်။ ကြိုက်နှစ်သက်ကြမယ်လို့ ယုံကြည်ပါတယ်။

The Corner website အပြင်အဆင်ကိုလည်း အတွဲ (၃၄) ကနေ အွန်လိုင်းပုံစံ ဖြစ်အောင် အနည်းငယ် ပြင်ဆင်ထား ပါတယ်။ အတွဲ (၃၄) မှာလည်း စက်တင်ဘာလတစ်လုံး ရောက်ရှိလာတဲ့ စာမူများကို အယ်ဒီတာအဖွဲ့က ရွေးချယ် ပြီးပါက online တင်ပြသွားမှာ ဖြစ်ပါတယ်။ ဒါကြောင့်မို့ ဆောင်းပါးရှင်များ ပို့လာတဲ့ စာမူများကို အချိန် စောင့်ဆိုင်းချိန် အနည်းငယ်သာယူပြီး ဆက်တိုက်ဖော်ပြသွားဖို့ ရည်ရွယ်ပါတယ်။ စမ်းသပ်ကြည့်ကြတာပေါ့။

စီစဥ်သူ