CWM

ပြီးခဲ့တဲ့ အောက်တိုဘာ (၁၁) ရက်က သမ္မတ ဒေါ်နယ်ထရမ့်က သူ့ရဲ့ Truth ဆိုရှယ်မီဒီယာမှတစ်ဆင့် ရုရှားနဲ့ ယူကရိန်းတို့ “စွမ်းအင်အပစ်အခတ်ရပ်စဲရေး” (Energy Ceasefire) ရရှိသွားပြီလို့ ကြေညာလိုက်တယ်။ ဒီလိုကြေညာတာက သူ့သဘောနဲ့သူ တစ်ဖက်သတ်ကြေညာတာဖြစ်ပြီး ကာယကံရှင်တွေက ဘာမှ ကြိုမသိကြဘူးလို့ ဆိုတယ်။ သမ္မတ ထရမ့်က “စွမ်းအင် အပစ်အခတ် ရပ်စဲရေး” ကြေညာလိုက်တဲ့နေ့မှာပဲ ယူကရိန်းရဲ့ ဓာတ်အား ထုတ်လုပ်ရေး စက်ရုံကို ရုရှားက ဒရုန်းတွေနဲ့ ပစ်ခတ်တိုက်ခိုက်ခဲ့တယ်။ ယူကရိန်း သမ္မတ ဇီလန်းစကီးက “စွမ်းအင် အပစ်အခတ် ရပ်စဲရေး” သဘော တူညီချက်ကို သူမသိဘူးလို့ ပြောသလို ရုရှားနိုင်ငံခြားရေးဝန်ကြီး ဆာဂေး လာဗရော့ကလည်း ယူကရိန်းဟာ အပစ်အခတ်ရပ်စဲထားဖို့ မထိုက်တန်သေးဘူးလို့ ပြောဆိုခဲ့တယ်။ ကာယကံရှင်တွေက ဘာမှ […]

အမေရိကန်ဟာ အရှေ့အလယ်ပိုင်းဒေသမှာ ဆယ်စုနှစ်များစွာကြာအောင် ဩဇာလွှမ်းမိုးထားခဲ့တယ်။ ခုတော့ ဒါတွေ ပြီးဆုံးသွားပါတော့မယ်။ အမေရိကန်ဟာ အရှေ့အလယ်ပ်ိုင်းမှာ ပိတ်မိနေတယ်။ အီရန်နဲ့ ဖြစ်ခဲ့တဲ့ စစ်ပွဲကနေ လွယ်လွယ်နဲ့ ရုန်းထွက်မရနိုင် ဖြစ်နေတယ်။ နောက်ဆုံး ဒီစစ်ပွဲကြီး ပြီးခဲ့ပြီဆိုရင်တောင် ဒီပဋိက္ခဟာ အင်မတန်ထူးခြားတဲ့ အမှတ်လက္ခဏာတွေ ကျန်ရစ်နေမှာပါ။ အမေရိကန်တွေ ဒီဒေသက နောက်ဆုတ်ထွက်ခွာသွားတာနဲ့ တစ်ပြိုင်နက် အမေရိကန်ရဲ့ ဒေသတွင်း ဩဇာလွှမ်းမိုးမှုလည်း ပျောက်ကွယ်သွားတော့မှာပါ။ လွန်ခဲ့တဲ့ နှစ်ပေါင်းတစ်ရာကျော်က အော်တိုမန်အင်ပါယာကို အင်အားကြီးနိုင်ငံတွေက ခွဲဝေယူခဲ့ကြပြီးနောက်ပိုင်း ပထမဦးဆုံးအကြိမ်အဖြစ် အရှေ့အလယ်ပိုင်းဒေသဟာ ကမ္ဘာကြီးရဲ့ အဝေးတစ်နေရာကနေ ကြိုးကိုင် ခြယ်လှယ် ခံရတာမျိုး မရှိနိုင်တော့ပါဘူး။ ပထမကမ္ဘာစစ်ပြီးကတည်းက ကမ္ဘာ့ဘာသာကြီးသုံးခု စတင်ရာ ဒီဒေသဟာ ဒုက္ခတစ်ခုပြီးတစ်ခု ကြုံတွေ့ခဲ့ရပါတယ်။ ကမ္ဘာစစ်တုန်းက အနိုင်ရသူတွေဘက်ကနေ ကူညီတိုက်ခိုက်ပေးခဲ့တဲ့ အာရပ်တွေဟာ ဗြိတိန်က